Blog records: 2009 N/A Blog|Month_2

12.02.2009 10:44

Félagsfundur

Félagsfundur

 

mánudaginn 16. febrúar n.k.

kl. 20:00 í Slysóhúsinu Nesgötu 4.
Dagskrá:   

·        Sumarhúsið í Munaðarnesi

·        Önnur mál

Félagsmenn eru hvattir til að fjölmenna á fundinn

Kaffi og meðlæti

 

Stjórnin

 

12.02.2009 09:17

Fimmtudagur 12.febrúar

Nýtt fréttabréf Starfsmenntar fyrir febrúarmánuð má nálgast HÉR

Fræðslusetrið Starfsmennt býður upp á fjölda starfstengdra námskeiða sem nýtast öllum starfsmönnum. Um er að ræða styttri eða lengri námskeið á vorönn 2009 þar sem leitast er við að styrkja almenna hæfni eins og tungumálakunnáttu, stjórnunarhæfni, samskiptahæfileika eða tölvufærni. Námskeiðin eru félagsmönnum aðildarfélaga Starfsmenntar að kostnaðarlausu en opin öllum áhugasömum. Símenntun er besta sóknin í erfiðu árferði og getur efllt  sjálfstraust og þol einstaklings undir álagi og stofnun sem vill kenna sig við lærdóm hugar að sínu starfsfólki með reglulegri inngjöf fræðslu og þjálfunar. Nýttu því tímann til náms næstu vikurnar.




Nokkrir félagar hafa skráð sig á póstlista kærar þakkir fyrir það en gaman væri að sjá enn fleiri á listanum.

05.02.2009 15:00

Skráning á póstlista


Félagsmenn eru hvattir til að skrá sig á póstlista Starfsmannafélags Fjarðabyggðar.

Vinsamlegast sendið upplýsingar um
fullt nafn , síma og netfang á  staffelag@gmail.com



05.02.2009 14:22

Íþróttastyrkur STAF og Styrktarsjóður BSRB

Að gefnu tilefni minnum við á að kvittunum vegna íþróttastyrkja má að skila til
Jónu Katrínar Aradóttur,
Ekrustíg 4.
740 Neskaupstað
Íþróttastyrkurinn er 10.000,- kr. á ári.

Aldrei eru félagar of oft minntir á  Styrktarsjóð BSRB
Á heimasíðu sjóðsins má sjá eftirfarandi

Breyting á starfsemi sjóðsins
Frá 1. janúar 2009 mun umsjón og afgreiðsla styrkja vegna fæðingarorlofs flytjast til Styrktarsjóðs BSRB. Sjóðfélagi sem hefur verið starfandi í síðustu 6 mánuði fyrir fæðingu barns og hefur gildan ráðningarsamning við upphaf fæðingarorlofs á rétt á styrk. Styrkurinn er 170.000 kr. miðað við fullt starf. Styrkurinn hækkar ekki við fleirburafæðingu. Sömu reglur gilda um ættleiðingar barna yngri en 5 ára. Hálfur styrkur er greiddur vegna fósturláts eftir 18 vikur og andvanafæðingar. Fylgigögn: Skila þarf umsóknareyðublaði, fæðingarvottorði útgefnu af Þjóðskrá og vottorði launagreiðanda um ráðningarkjör, sem vinnuveitandi fyllir út. þetta og meira til má sjá á vefnum .styrktarsjodur.bsrb.is 


Umsóknareyðublað fyrir styrktarsjóð BSRB má nálgast hér

03.02.2009 14:16

Starfmennt Fræðslusetur


Á þessari önn er í boði námskeið um kennslufræði fyrir leiðbeinendur Fræðslusetursins Starfsmenntar og annarra sem sjá um fræðslu á vinnustað. Reynslan hefur sýnt að það er mikill munur á því að kenna fullorðnum námsmönnum og ,,venjulegum" skólanemum. Sjónarhorn, viðhorf og reynsla fullorðinna námsmanna er sérstök og er árangur í námi þeirra að miklu leyti undir því kominn að leiðbeinandi á námskeiðinu geri sér grein fyrir sérstöðu þeirra og axli ábyrgð á aðstæðunum í samræmi við það. Á þessu námskeiði er ætlunin að hjálpa leiðbeinendum að auka færni sína í að skipuleggja og halda námskeið fyrir fullorðna. Farið er í hagnýtar aðferðir sem nýtast vel við að hjálpa námsmönnum að læra. Námskeiðið er án endurgjalds fyrir félagsmenn og alla þá sem kennt hafa eða sinnt ráðgjafarstörfum fyrir Starfsmennt og eru þeir sérstaklega hvattir til að nýta sér þetta einstæða tækifæri til að verða enn betri fagmenn. Smellið hér til að komast á skráningarsíðu fyrir námskeið.



Veffréttabréf Fræðslusetursins Starfsmenntar fyrir janúar 2009 er komið út smellið hér til að nálgast það.
  • 1
Today's page views: 8
Today's unique visitors: 5
Yesterday's page views: 37
Yesterday's unique visitors: 21
Total page views: 229334
Total unique visitors: 51135
Updated numbers: 15.10.2019 03:12:33